Тошкентга тўрт вагонли яна 3 та метро поезди келтирилди

Улар 7−10 кун синовдан ўтказилгач, «Ерусти ҳалқа йўли» йўналишида ҳаракатга чиқарилади. Бунгача шундай поездлардан 5 таси келтирилганди.

29 май куни Тошкент метрополитени вагон паркига тўрт вагонли 3 та метро поезди олиб келинди, дея хабар бермоқда метрополитен матбуот хизмати.

Қайд этилишича, вагонлар Россиянинг «Метровагонмаш» заводида ишлаб чиқарилган. Мазкур ҳаракат таркиблари белгилан йўриқномага асосан, 7−10 кун давомида техник синовдан ўтказилади ва йўловчиларга хизмат қилиши йўлга қўйилади.

Йўналишлардаги вақт интервалларини янада қисқартириш мақсадида, янги ҳаракат таркиблари асосан, «Ерусти ҳалқа йўли» йўналишида ҳаракатга чиқарилади. Маълумот учун, бунгача февраль ойида 3 та, апрель ойида 2 та тўрт вагонли метро поездлари олиб келинган.

NOVA24 Telegramʼda. Obuna boʻling
Tezkor xabarlar va asosiy voqealar