Yomg‘ir va sovuq: 3-noyabr uchun ob-havo

3-noyabr kuni O‘zbekistonda havo o‘zgarib turadi, ba’zi joylarda yomg‘ir yog‘adi, tog‘larda qorga aylanadi, deya xabar berdi O‘zgidromet matbuot xizmati.

Toshkentda o‘zgaruvchan bulutli, kechga tomon yomg‘ir kutilmoqda. Sharqiy shamol g‘arbiy yo‘nalishga o‘tib, 3-8 m/s tezlikda esadi. Harorat kechasi 8-10° issiq, kunduzi 14-16° issiq bo‘ladi.

Hududlarda ob-havo quyidagicha bo‘ladi:

• Qoraqalpog‘iston Respublikasi va Xorazm viloyatida havo o‘zgaruvchan bulutli, ayrim joylarda kuchsiz yomg‘ir yog‘ishi mumkin. Sharqiy shamol g‘arbiy yo‘nalishga o‘tib, 7-12 m/s tezlikda esadi. Harorat kechasi 0-5° issiq, kunduzi 9-14° issiq bo‘ladi.
• Buxoro va Navoiy viloyatlarida bulutlar o‘zgaruvchan bo‘ladi, tunda yog‘ingarchilik kutilmaydi, kunduzi ayrim joylarda yomg‘ir yog‘ishi mumkin. Shamol sharqdan g‘arbga o‘tib, 7-12 m/s tezlikda esadi. Havo harorati kechasi 3-8° issiq, kunduzi 11-16° issiq bo‘ladi.
• Toshkent viloyati, Samarqand, Jizzax va Sirdaryoda o‘zgaruvchan bulutli, kechqurun ayrim joylarda yomg‘ir yog‘ishi mumkin. Sharqiy shamol g‘arbiy yo‘nalishga o‘tib, 7-12 m/s tezlikda esadi. Harorat kechasi 5-10° issiq, kunduzi 13-18° issiq bo‘ladi.
• Qashqadaryoda havo o‘zgarib turadi, kechga tomon ba’zi joylarda yomg‘ir yog‘adi. Sharqiy shamol yo‘nalishini o‘zgartirib, g‘arbdan 7-12 m/s tezlikda esadi, ba’zi joylarda 13-18 m/s gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 6-11° iliq, kunduzi 14-19° iliq bo‘ladi.
• Surxondaryo viloyatida havo o‘zgarib turadi, yog‘ingarchilik kutilmaydi. Sharqiy shamol yo‘nalishini o‘zgartirib, g‘arbdan 7-12 m/s tezlikda esadi, ba’zi joylarda 13-18 m/s gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 6-11° iliq, kunduzi 17-22° iliq bo‘ladi.
• Farg‘ona viloyatida havo biroz bulutli bo‘ladi, ba’zi joylarda o‘zgarib turadi. Sharqdan 5-10 m/s tezlikda shamol esadi. Harorat kechasi 4-9° iliq, kunduzi 15-20° iliq bo‘ladi.
• Tog‘oldi va tog‘li hududlarda bulutlar o‘zgaruvchan bo‘lib, ayrim joylarda yog‘ingarchilik (yomg‘ir, qor) kutilmoqda. Sharqiy shamol g‘arbiy yo‘nalishga o‘tib, 7-12 m/s tezlikda esadi, ba’zi joylarda 13-18 m/s gacha kuchayishi mumkin. Havo harorati kechasi 0-5° issiq, kunduzi 5-10° issiq bo‘ladi.