Toshkent aholisi Temir yo‘l texnikasi muzeyidagi “Sosiskaxona bekati” yozuvidan g‘azablanmoqda
Ijtimoiy tarmoqlardagi norozilikdan so‘ng uni olib tashlashga qaror qilindi.
Toshkent aholisi Toshkent temir yo‘l texnikasi muzeyi hududidagi umumiy ovqatlanish shoxobchasining “Sosiskaxona bekati” yozuvini tanqid qildi. Muzey rahbariyati noo‘rin peshlavhani olib tashlashga qaror qildi.
“Sosiskaxona bekati” yozuvi Toshkent temir yo‘l texnikasi muzeyining elektrovoz-eksponatiga ilib qo‘yildi. Ijtimoiy tarmoqlardagi tanqidlardan keyin uni baribir olib tashlashdi. “O‘zbekiston temir yo‘llari” axborot xizmatining ta’kidlashicha, muzey hududini rekonstruksiya qilish va obodonlashtirish ishlari faol olib borilmoqda.
“Shunday ekan, ayrim noroziliklarga qaramay, rahbariyat keng auditoriya ehtiyojlarini qondirish uchun madaniy-tarixiy makon va qulay dam olish muhitining muvozanatli uyg‘unligini yaratishga harakat qilmoqda”, — deyiladi xabarda.
Avvalroq Toshkentda aholi parovozlar muzeyi buzilishi mumkinligidan xavotirda edi. Tuman hokimligi fuqarolarni tinchlantirishga shoshilgan.
Izohlar