“Hosilot” podstansiyasidagi navbatdagi avariya Toshkentning Yashnobod tumanini chiroqsiz qoldirdi

9-iyul kuni Yashnobod tumani aholisining bir qismi elektr ta’minotisiz qoldi.

“Toshkent shahar elektr tarmoqlari” axborot xizmati xabariga ko‘ra, “Hosilot” podstansiyasidagi avariya tufayli uzilishlar kuzatilmoqda, 10 kV kuchlanishli yuqori kuchlanishli yopiq turdagi uskuna (YUKT) shikastlangan. Baxtsiz hodisa taxminan 11:30 da sodir bo‘lgan.

“Oqibatda avariyaviy holat yuzaga kelib, elektr ta’minotida uzilishlar kuzatilgan. Buning oqibatida Yashnobod tumanidagi ayrim massiv va mahallalarda elektr energiyasi ta’minotida uzilishlar kuzatilmoqda”, — deyiladi xabarda.

Soat 13:30 holatiga ko‘ra, favqulodda vaziyatlar brigadalari vaziyatni bartaraf etish bo‘yicha ishlarni davom ettirmoqda.

Ta’kidlash kerak, “Hosilot” Yashnobod tumani aholisi boshiga bitgan balo bo‘ldi. Podstansiyada avariyalar 2022-yildan beri har yozda va kuz-qish mavsumida sodir bo‘ladi.

Uskunalarni almashtirish va kapital ta’mirlashga urinishlar hozirgi holatga — poytaxtning bir qismini chiroqsiz qoldirgan navbatdagi avariyaga olib keldi. Uzilishlar suv o‘chishi bilan birga davom etmoqda, kunlarning birida avariya Do‘stlik bog‘ida charxpalakning ishdan chiqishiga olib keldi, attraksionda odamlar tiqilib qoldi.