Akademik litsey imtihonlari sanalari aytildi
Sinovlar ikki smenada o‘tkaziladi.
O‘zbekistonning barcha hududlaridagi akademik litseylarga kirish test sinovlari sanalari e’lon qilindi, deb xabar bermoqda Ta’lim vazirligi axborot xizmati.
Ma’lumotlarga ko‘ra, imtihonlar 24-iyul kuni mamlakatning barcha hududlarida va 25-iyul kuni Toshkent shahrida boshlanadi. Ular Bilim va malakalarni baholash agentligi tomonidan tanlangan maxsus joylarda ikki smenada o‘tkaziladi. Birinchi smena soat 9:00 da, ikkinchisi 15:00 da boshlanadi.
Abituriyentlar test sinovlari o‘tkaziladigan joyga shaxsini tasdiqlovchi hujjat va test sinovlarida ishtirok etish uchun ruxsatnoma bilan kamida bir yarim soat oldin kelishlari kerak. Abituriyentlar test sinovlarida ro‘yxatdan o‘tishda o‘zlari tanlagan joyda ishtirok etadi, bu ruxsatnoma blankasida ko‘rsatiladi.
Avvalroq Bilim va malakalarni baholash agentligi OTMlarga kirish imtihonlari o‘tkaziladigan lokatsiyalarni e’lon qilgani haqida xabar berilgandi. Abituriyentlar test sinovi o‘tkaziladigan binoga oldindan kelishi mumkin.
Izohlar