Fransiyaning Parij shahrida oʻtayotgan Paralimpiya oʻyinlarining para pauerlifting bahslarida -73 kg vazn toifasida Oʻzbekiston sharafini himoya qilgan Roʻza Qoʻziyeva 147 kg tosh koʻtardi va kumush medalga sazovor boʻldi. Musobaqa oltin medali esa braziliyalik Mariana D’Andreaga (148 kg) nasib qildi.

Aytish joiz, Roʻza bahslar davomida ikki marotaba Paralimpiya oʻyinlari rekordini yangilashga ham ulgurdi. U bunga qadar Tokioda boʻlib oʻtgan XVI Paralimpiya oʻyinlarida ham kumush medalni qoʻlga kiritgan edi.

Shu tariqa Oʻzbekiston delegatsiyasi umumiy 25 ta medal (10 ta oltin, 9 ta kumush, 6 ta bronza) jamgʻargan holda onlayn jadvalning 11-pogʻonasidan joy oldi.