O‘zbekistonlik yengil atletikachi Paralimpiya o‘yinlari rekordini o‘rnatdi

O‘zbekistonlik yengil atletikachi Asila Mirzayorova Paralimpiya o‘yinlari rekordini o‘rnatdi.

Parijda bo‘lib o‘tayotgan Paralimpiya o‘yinlarining yengil atletika bo‘yicha ayollar musobaqasi davom etmoqda.

T11 klassida uzunlikka sakrash bahsida ishtirok etayotgan o‘zbekistonlik Asila Mirzayorova dastlabki urinishidayoq 5,22 metr natija qayd etib, ushbu yo‘nalishda Paralimpiya o‘yinlari rekordini o‘rnatdi. Shuningdek, u 5-urinishida natijasiga 2 sm qo‘shib, avvalroq o‘rnatgan rekordini yangiladi.

Eslatib o‘tamiz, Asila 2023-yilning iyul oyida Fransiyaning Parij shahrida para yengil atletika bo‘yicha jahon chempionatida oltin medalni qo‘lga kiritgan edi.

Shuningdek, Mirzayorova Tokio—2020 yozgi Paralimpiya o‘yinlari kumush medal sohibi hisoblanadi.

NOVA24 Telegramʼda. Obuna boʻling
Tezkor xabarlar va asosiy voqealar