O‘zbekiston World Boxing tashkilotiga a’zo bo‘ldi

Shu tariqa tashkilotga a’zo bo‘lgan federatsiyalar soni 55 taga yetdi.

O‘zbekiston boks federatsiyasi IBA’ni tark etib, yangi tuzilgan World Boxing tashkilotiga aʼzo bo‘ldi. Bu haqida tashkilotning rasmiy saytida ma’lum qilindi.

World Boxing tashkiloti 4 ta federatsiyani, jumladan, O‘zbekiston boks federatsiyasini ham tashkilotning yangi a’zosi sifatida tanishtirgan.

O‘zbekistondan tashqari Qozog‘iston, Gvatemala hamda Laos yangi tashkilot a’zoligiga qabul qilindi. Shu tariqa World Boxingga a’zo bo‘lgan federatsiyalar soni 55 taga yetdi.

O‘zbekiston va Qozog‘iston kabi yetakchilarning qo‘shilishi xalqaro tashkilotning Osiyodagi o‘rnini sezilarli darajada oshirdi, deb yoziladi tashkilot xabarida.

Maʼlumot uchun, World Boxing tashkilotida niderlandiyalik Boris van der Vorst prezident hisoblanadi.

NOVA24 Instagramʼda. Obuna boʻling
Asosiy yangiliklar va qiziqarli videolar