O‘zbekiston media futbol jamoasi Jahon chempionatidagi yurishini to‘xtatdi

“Anvonted Boys” jamoasi chorak final bosqichida Kolumbiyaga 6:1 hisobida mag‘lubiyatga uchradi.

Italiyada davom etayotgan “Kings League” turniri doirasida O‘zbekiston sharafini himoya qilayotgan “Anvonted Boys” jamoasi chorak final bosqichida Kolumbiyaga 6:1 hisobida mag‘lubiyatga uchradi.

Shu tariqa O‘zbekiston media futbol jamoasi Jahon chempionati maqomidagi musobaqaning ushbu o‘yinini boy berdi va chorak finalda o‘z yurishini to‘xtatdi.

Ta’kidlash kerakki, Jerar Pike tashkilotchiligidagi mazkur turnirda ilk ishtirokidayoq chorak final bosiqichiga chiqishga muvaffaq bo‘lgan o‘zbekistonliklar bungacha Saudiya Arabistoni va Peruni mag‘lub etdi.

Ma’lumot uchun, ushbu chempionat 12-yanvarga qadar davom etadi. Finalga Turin shahridagi “Yuventus” klubining “Alyans” stadioni mezbonlik qiladi.

NOVA24 Instagramʼda. Obuna boʻling
Asosiy yangiliklar va qiziqarli videolar