Mahmud Murodovning navbatdagi jang sanasi ma’lum bo‘ldi

Sobiq UFC jangchisi Mahmud Murodov 23-noyabr kuni navbatdagi jangini o‘tkazadi.

O‘zbekistonlik aralash yakkakurash ustasi, sobiq UFC jangchisi Mahmud Murodovning (27-8-0) navbatdagi raqibi ma’lum bo‘ldi.

Murodov 23-noyabr kuni Polshaning Loj shahrida tashkil etiladigan MMA bo‘yicha Fame 23 turnirida oktagonga ko‘tariladi. Unga turnirda Shimoliy Irlandiya vakili, sobiq UFC jangchisi Norman Park (32-7-1) raqiblik qiladi.

O‘rta vazn toifasida tashkil etiladigan to‘qnashuv 3 raund etib belgilangan. Jang ko‘rgazmali maqomda o‘tkaziladi.

Mahmud Murodov so‘nggi jangini 21-sentyabr kuni Oktagon 61 turniri doirasida o‘tkazdi. O‘rta vazn toifasidagi Murodovga angliyalik Skott Askhem raqiblik qildi. To‘liq davom etgan jangda Murodov ochkolar hisobiga g‘alaba qozondi.

NOVA24 YouTubeʼda. Obuna boʻling
Asosiy yangiliklar va qiziqarli videolar