Futbol o‘yini sabab poytaxtdagi ayrim ko‘chalar vaqtincha yopildi

O‘zbekiston — Eron futbol uchrashuvi sabab “Bunyodkor” stadioni yaqinidagi ko‘chalarda harakat vaqtincha cheklandi.

Bugun, 10-oktabr kuni O‘zbekiston va Eron o‘rtasida futbol bo‘yicha musobaqa o‘tkazilishi munosabati bilan Chilonzor tumanidagi ba’zi ko‘chalarda transport harakati cheklanadi. Bu haqda poytaxt YHXB xabar qildi.

Ko‘cha va chorrahalar:

• Muqimiy va Chilonzor ko‘chalari chorrahasidan, Chilonzor va KXAY ko‘chalari chorrahasigacha bo‘lgan qismi;
• Muqimiy va Arnasoy ko‘chalari chorrahasidan, Cho‘ponota va Arnasoy ko‘chalari chorrahasigacha bo‘lgan qismi;
• Bunyodkor ikkinchi darajali ko‘chasidan Cho‘ponota ko‘chasigacha bo‘lgan qismi.

Cheklov 16:00 dan soat 22:00 gacha davom etadi.

Yuzaga kelayotgan noqulayliklar uchun uzr so‘raymiz va aylanma yo‘llardan foydalanishni tavsiya qilamiz, deyiladi YHXB xabarida.

NOVA24 Instagramʼda. Obuna boʻling
Asosiy yangiliklar va qiziqarli videolar