Erkaklikda gumon qilingan jazoirlik bokschi Donald Tramp va Ilon Maskni sudga berdi

Erkaklikda gumon qilingan Olimpiadada chempioni, jazoirlik bokschi Iman Halif Donald Tramp va Ilon Maskni sudga berdi, Parij prokuraturasi ish yuzasidan tergov boshlagan.

Parij-2024 chempioni, jazoirlik bokschi Iman Halif yozuvchi Joan Rouling, milliarder Ilon Mask va AQSHning 45-prezidenti Donald Trampning ustidan Parij prokuraturasiga shikoyat yoʻlladi. Bu haqda “Variety” nashri xabar berdi.

Maʼlum boʻlishicha, jazoirlik sportchi oʻziga nisbatan qilinayotgan haqoratlar ortidan shikoyat qilish qaroriga kelgan. Iman Halif ayblanuvchilarning aynan qaysi postlari daʼvoga asos boʻlganini maʼlum qilmagan. Shunga qaramasdan, yozuvchi Joan Rouling Halifning Olimpiadadagi janglaridan birini “jamoatchilikni qiziqtirish uchun ayolni kaltaklayotgan erkak tomoshasi” deb ataganiga nisbatan jinoiy ish ochishni soʻragan.

Biroq, bu yolgʻonlarning jiddiy oqibatlari bor. Bunday buzilishlar yaqin orada kimnidir oʻldirishi mumkinligidan qoʻrqish mubolagʻa boʻlmaydi, deb yozgan mashhur yozuvchi.

Ayollar sportida erkaklarga oʻrin yoʻq, deb yozgan amerikalik suzuvchi Rayli Heynsning tvitiga Ilon Mask “Mutlaqo!” deya sharh qoldirgan. Donald Tramp Halif jangidan olingan suratni eʼlon qilib Men erkaklarning ayollar sportiga kirishiga ruxsat bermayman! deya sharh qoldirgan.

Jazoirlik bokschi Parijdagi Olimpiadasida boks boʻyicha oltin medalga ega chiqqandi. Ushbu gʻalaba Jazoirning ayollar boks tarixidagi birinchi gʻalabasi hisoblanadi. Sportchi 2023-yilgi Jahon chempionatida IBA tomonidan oʻtkazilgan gender testidan muvaffaqiyatsizlikka uchragani ortidan diskvalifikatsiya qilingandi.

NOVA24 TikTokʼda. Obuna boʻling
Asosiy yangiliklar va qiziqarli videolar