Bahodir Jalolov Parij Olimpiyadasida tengsiz bo‘ldi

O‘zbekistonlik og‘ir vaznli bokschi Ispaniya vakili Ayub Gadfani taslim etgan holda ikki karra Olimpiada chempioniga aylandi.

Yozgi Olimpiya o‘yinlarida O‘zbekiston boks jamoasi 5 ta oltin medal qo‘lga kiritib, ushbu sport turida umumjamoa hisobida 1-o‘rinni egalladi.

Bellashuvlarni yakunlab bergan +92 kg vaznda Bahodir Jalolov ispaniyalik Ayub Gadfani ikki bor nokdaunga tushirdi va 5:0 hisobida g‘alaba qozonib, ikki karra Olimpiada chempioniga aylandi. Surxondaryolik bokschi Tokio-2020da ham tengsiz bo‘lgandi.

Shu tariqa Parij Olimpiadasi yakuniga bir kun qolganida, O‘zbekiston medallarini 13 taga (8 oltin, 2 kumush va 3 bronza) yetkazib, 13-o‘ringa chiqib oldi.

NOVA24 Instagramʼda. Obuna boʻling
Asosiy yangiliklar va qiziqarli videolar