Babayan “Lokomotiv” klubida ish boshlashi mumkin

“Navbahor” futbol klubining sobiq bosh murabbiyi “Lokomotiv” jamoasiga rahbarlik qilishi mumkin.

O‘zbekiston terma jamoasi hamda “Navbahor”, “Paxtakor” klublarining sobiq bosh murabbiyi Samvel Babayan “Lokomotiv” klubida ish boshlashi mumkin. Bu haqda “Championat.asia” sayti ma’lumot berdi.

“Samvel Babayan yana futbolga qaytmoqda. Bizga maʼlum bo‘lishicha, Babayan yangi mavsumdan Toshkentning “Lokomotiv” klubida ish boshlaydi. Lekin, hozircha u bosh murabbiy bo‘ladimi yoki boshqa lavozimni egallaydimi bunisi nomaʼlum”, deyiladi sayt xabarida.

Ma’lumot uchun, Samvel Babayanning oxirgi ish joyi Namanganning “Navbahor” klubi bo‘lgan. Murabbiy Namanganda 2022-yil boshidan 2024-yil iyul oyiga qadar faoliyat olib bordi. Bu davr ichida Babayan 89 ta o‘yinda ishlab 50 ta g‘alaba, 23 ta durang va 16 ta mag‘lubiyat qayd etdi.

NOVA24 Instagramʼda. Obuna boʻling
Asosiy yangiliklar va qiziqarli videolar