Abduqodir Husanov Buyuk Britaniya ishchi vizasiga hujjatlarini topshirdi

Ayrim manbalar oʻzbekistonlik futbolchi “Manchester Siti” bilan kelishuv fonida vizaga ariza topshirgani haqida yozmoqda.

“Lans” klubi va Oʻzbekiston terma jamoasi himoyachisi Abduqodir Husanov “Manchester Siti” bilan shartnoma imzolashga yaqin turibdi. “Shaharliklar” ham Oʻzbekiston vakilini sotib olish boʻyicha jiddiy qadam tashlamoqda.

Taniqli futbol insayderi Fabritsio Romanoning soʻzlariga koʻra, Angliya klubi oʻzbekistonlik futbolchini qoʻlga kiritish borasida muzokaralarni faol davom ettirmoqda. Klub rasmiylari 20 yoshli Husanov uchun 36 million yevro toʻlashga tayyor.

Ayrim manbalar Husanov “Manchester Siti” bilan kelishuv fonida Britaniyada ishlash huquqini beruvchi vizaga ariza topshirgani haqida yozmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar