Uzoq o‘yladi, lekin muloyimlik bilan rad etdi: Yoaxim Lyov O‘zbekiston futbol terma jamoasiga murabbiy bo‘lmaydi
Sportchi O‘zbekistonning Berlindagi elchixonasi ko‘magida O‘FA vakillari bilan onlayn muzokaralar o‘tkazgan.
Germaniya terma jamoasining sobiq bosh murabbiyi Yoaxim Lyov O‘zbekiston milliy terma jamoasiga murabbiy bo‘lmaydi, deb yozadi Bild.
Ma’lumotlarga qaraganda, Germaniya terma jamoasining sobiq murabbiyi uzoq vaqt davomida mamlakat taklifi ustida bosh qotirgan va hatto terma jamoadagi yangi ish unga qiziq bo‘lishini aytgan. Yoaxim Lyov O‘zbekistonning Berlindagi elchixonasi ko‘magida O‘FA vakillari bilan onlayn muzokaralar o‘tkazdi.
Muzokaralar doirasida sportchi O‘zbekiston milliy terma jamoasini boshqarish taklifini xushmuomalalik bilan rad etdi. Eslatib o‘tamiz, Yoaxim Lyov 2006-2021-yillarda Germaniya terma jamoasini boshqargan. Uning qo‘l ostida jamoa 2014-yilda Braziliyada bo‘lib o‘tgan jahon chempionatida g‘olib chiqishga muvaffaq bo‘ldi.
Avvalroq, AQSH va Kanadada O‘zbekiston milliy terma jamoasining muxlislar klubi paydo bo‘lgani haqida xabar berilgandi. Uning vazifalari xorijdagi vatandoshlarni birlashtirish va mamlakatning sport imijini targ‘ib qilishdan iborat bo‘ladi.
Izohlar