“Tottenhem” Yevropa Ligasi finalida “Manchester Yunayted”ni mag‘lub etdi
Oxirgi marta londonliklar 1972 va 1984-yillarda UEFA kubogini qo‘lga kiritgan.
“Tottenhem” Yevropa ligasining 2024/2025 yilgi mavsumi finalida “Manchester Yunayted”ni 1:0 hisobida mag‘lub etdi, deya xabar bermoqda MatchTV.
Uchrashuv Ispaniyaning Bilbao shahridagi “San-Mames Barria” stadionida bo‘lib o‘tdi. Yagona golga Brennan Jonson (42-daqiqa) mualliflik qildi. APLda 17-o‘rinda borayotgan “Tottenhem” kelasi mavsum uchun Chempionlar ligasi yo‘llanmasini qo‘lga kiritdi.
Jamoa so‘nggi marta 1984-yilda Yevropa kubogi — UEFA kubogini qo‘lga kiritgan. 2008-yilda klub so‘nggi sovrin — Angliya Liga kubogini qo‘lga kiritdi. Shundan so‘ng jamoa to‘rtta finalda mag‘lub bo‘ldi — uchtasi Liga kubogida (2009, 2015, 2021) va bittasi Chempionlar ligasida (2019).
Eslatib o‘tamiz, O‘zbekistonning Jahon chempionati saralash o‘yini oldidan firibgarlar soxta chiptalar sotishni boshlagandi. Muxlislar hushyorlikka chaqirildi.
Izohlar