“Tottenhem” bosh murabbiyi Yevropa Ligasidagi g‘alabadan so‘ng iste’foga chiqarildi

Angelos Postekoglu “Tottenhem” bosh murabbiyligidan ketdi, deya xabar berdi ingliz futbol klubi.

Ma’lumotlarga qaraganda, avstraliyalik murabbiy 2023 yilning yozidan buyon jamoani boshqarib kelayotgandi. Joriy mavsumda ingliz klubi Yevropa Ligasi finaliga qadar etib bordi va “Manchester Yunayted”ni 1:0 hisobida mag‘lub etdi, shuningdek, 1984-yildan beri ilk bor yevrokubok sovrinini qo‘lga kiritishga muvaffaq bo‘ldi. Ammo shunga qaramay, “Tottenhem” bu davrda Angliya Premyer-ligasida o‘zining tarixdagi eng yomon natijasini ko‘rsatib, atigi 17-o‘rinni egalladi.

Klubda ta’kidlanishicha, Angelos Postekoglu rahbariyati jamoaga rivojlanish uchun ajoyib platforma taqdim etgan. Biroq jamoa uchun bir nechta yo‘nalishlarda raqobatlashish muhim bo‘lganligi sababli, yaqinlashib kelayotgan mavsumda o‘yinchilarga ko‘proq imkoniyat berishi kerak bo‘lgan yondashuvni o‘zgartirishga qaror qilindi.

Bu biz qabul qilishimiz kerak bo‘lgan eng qiyin qarorlardan biri edi va biz unga yengil-yelpi qaramadik, xulosa chiqarishga shoshilmadik. Oson qaror emas, kelajakda muvaffaqiyatga erishish uchun ko‘proq imkoniyat beradigan to‘g‘ri qaror qabul qilindi, deb o‘ylaymiz.

Biz Angelosga ikki yillik faoliyati davomida sadoqati va klub rivojiga qo‘shgan hissasi uchun cheksiz minnatdorchilik bildiramiz. Biz uni afsonaviy Bill Nikolson va Kit Berkinshou bilan bir qatorda Yevropa kubogini qo‘lga kiritgan tariximizdagi uchinchi murabbiy sifatida abadiy eslaymiz, — deyiladi xabarda.

Klub murabbiyga minnatdorchilik bildirib, kelajakda yaxshilik tiladi va u har doim ular uchun sevimli mehmon bo‘lib qolishini ta’kidladi. Jamoaning yangi murabbiyi kim bo‘lishi belgilangan tartibda ma’lum qilinishi va’da qilindi.

Avvalroq O‘zbekiston tarixda ilk bor Jahon chempionatiga yo‘l olgani haqida xabar berilgandi. Terma jamoa BAA bilan durang o‘ynadi.