Portugaliyalik murabbiy Pedro Moreyra “Paxtakor”ni tark etdi
Murabbiy bilan birga uning beshta yordamchisi ham klub bilan hamkorlikni yakunladi.
Portugaliyalik murabbiy Pedro Moreyra o‘zaro kelishuv asosida Toshkentning “Paxtakor” futbol klubi bilan hamkorlikni yakunladi, deya xabar bermoqda klub axborot xizmati.
Ma’lumotlarga ko‘ra, murabbiy bilan hamkorlikni uning besh nafar yordamchisi yakunlagan va ular ham klubni tark etishgan. Pedro Moreyra jamoaga klubdagi faoliyati uchun minnatdorchilik bildirib, kelgusi ishlariga omad tiladi.
Qayd etilishicha, klub murabbiydan tashqari, 2025-yilning may oyida jiddiy jarohat olib safdan chiqqan yarim himoyachi Jonatan Lukka bilan ham shartnomani bekor qilgan.
Avvalroq o‘zbek futbol klubini “Manchester Siti” xo‘jayinlari sotib olishi mumkinligi haqida xabarlar tarqalgandi. Abduqodir Husanov sotib olingach, dunyoda o‘zbek futboliga bo‘lgan qiziqish sezilarli darajada oshgan.
Izohlar