O‘zbekistonlik tennischilar Bokuda bo‘lib o‘tgan ITF Juniors turnirida chempion bo‘ldi
Musobaqa Yevropa va Osiyo mamlakatlarining eng kuchli o‘yinchilarini jamladi.
13-19 oktyabr kunlari Bokuda Yevropa va Osiyoning o‘ndan ortiq mamlakatlaridan eng kuchli o‘yinchilarni jamlagan ITF World Tennis Tour Juniors J30 Baku xalqaro o‘smirlar turniri bo‘lib o‘tdi.
O‘zbekistonlik tennischilar yakkalik va juftlik bahslarida ajoyib natijalar ko‘rsatib, g‘oliblikni qo‘lga kiritishdi. Yakkalik bahslarida Mahmudbek Beknazarov butun turnir yo‘lini ishonchli bosib o‘tdi va finalda Belarus vakili Nikita Davidovskini 6:2, 4:0 hisobida mag‘lub etib, chempion bo‘ldi. Beknazarov chempionlik yo‘lida ketma-ket Rossiya, Ruminiya va Gruziya raqiblarini mag‘lub etib, birinchi raqamli musobaqa maqomini tasdiqladi.
Juftlik bahslarida ikkinchi raqam ostida saralangan o‘zbekistonlik Amir Safayev va Asilbek Ismoilov juftligi g‘olib bo‘ldi. Hal qiluvchi o‘yinda ular belaruslik Artsiom Askirk va Mark Xaydt juftligini 6:3, 0:6 hisobida mag‘lub etishdi [10-7].
Izohlar