O‘zbekiston World Boxing reytingida birinchi o‘rinni egalladi
Ikkinchi o‘rinni Qozog‘iston egalladi.
O‘zbekiston terma jamoasi World Boxing tashkilotining yangi reytingida birinchi o‘rinni egalladi.
Unga ko‘ra, o‘zbekistonlik sportchilar 10 ta vazn toifasidan 6 tasida peshqadamlikni qo‘lga kiritib, terma jamoamizga birinchi o‘rinni taqdim etdi. Unda Abdumalik Xalokov, Asadxo‘ja Mo‘ydinxo‘jayev, Fazliddin Erkinboyev, Jahongir Ummataliyev, Akmaljon Isroilov va To‘rabek Habibullayev yetakchilik qildi.
Ikkinchi o‘rinni Qozog‘iston terma jamoasi egalladi, uning vakillari ham qolgan to‘rtta pozitsiyada yetakchi o‘rinlarni egallashga muvaffaq bo‘lishdi. Shunday qilib, Sanjar Toshkenbay, Mahmud Sobirxon, To‘raxon Sobirxon va Oybek Oralbay yetakchi bo‘ldi.
Avvalroq boks bo‘yicha Osiyo chempionatida o‘zbekistonlik sportchilar birinchi o‘rinni egallagani haqida xabar berilgandi. Terma jamoa 13 ta medalni qo‘lga kiritishga muvaffaq bo‘ldi.
Izohlar