O‘zbekiston Jahon chempionati saralash bosqichida Qatarni mag‘lub etdi
O‘yinni tomosha qilish uchun Shavkat Mirziyoyev Bolgariya prezidenti Rumen Radev va Slovakiya bosh vaziri Robert Fitso bilan birgalikda maydonga tashrif buyurdi.
10-iyun kuni Toshkentdagi “Bunyodkor” stadionida O‘zbekiston terma jamoasi 2026-yilgi Jahon chempionati uchinchi saralash bosqichi doirasida Qatar bilan uchrashdi.
Birinchi taym faol o‘tdi. O‘zbekiston ko‘pincha pressing qilib, raqib darvozasi yaqiniga kelib, gol urishga harakat qildi. Birinchi to‘p 27-daqiqada kiritildi, Aziz Turg‘unboev o‘ng qanot bo‘ylab yugurdi va aniq zarba bilan to‘pni uzoq burchakka yubordi.
Ikkinchi taym ham qizg‘in o‘yin bilan davom etdi. Qatar hisobni tenglashtirmoqchi bo‘ldi, ammo O‘zbekiston darvozasini yorib o‘tolmadi.
Ikkinchi taym paytida o‘yinni prezident Shavkat Mirziyoyev tomosha qildi. Davlat rahbari barcha ishtirokchilarni tabrikladı, u bilan birga o‘yinni ko‘rish uchun Bolgariya prezidenti Rumen Radev, Slovakiya bosh vaziri Robert Fitso va O‘zbekiston hukumati rahbari Abdulla Aripov tashrif buyurdi.
85-daqiqada O‘zbekiston terma jamoasi sardori Eldor Shomurodov uzatmani a’lo darajada qabul qilib, bir teginishda burchakka gol kiritdi.
Asosiy vaqt tugagach, hakam 7 daqiqa qo‘shib berdi. Igor Sergeyev Eldor Shomurodovni almashtirdi va darhol o‘yinning 91-daqiqasida gol urdi.
Eslatib o‘tamiz, O‘zbekiston terma jamoasi 5-iyundagi o‘yinda muddatidan oldin Jahon chempionatiga chiqqandi. Davlat rahbari O‘zbekiston terma jamoasi futbolchilari va murabbiylarini taqdirladi, shuningdek, sportchilarga yordam bergan shifokorlar, fotosuratchilar va tarjimonlar ham mukofotlandi.
Izohlar