Madridning “Real” klubi bosh murabbiyi Karlo Anchelotti iste’foga chiqarildi

Madridning “Real” klubi Karlo Anchelottining bosh murabbiylik lavozimini tark etganini rasman e’lon qildi, deya xabar bermoqda futbol klubi matbuot xizmati.

Karlo Anchelotti 2013-2015-yillarda “Real”da ishlagan va 2021-yilda klubga qaytgan, shundan so‘ng madridliklar bilan 11 ta sovrinni qo‘lga kiritgan. Bu mavsumda “Real” faqat UEFA Superkubogi va qit’alararo kubokda g‘olib chiqdi. Italiyalik o‘rniga klubni “Bayer”dan kelgan ispaniyalik Xabi Alonso boshqaradi.

24-may kuni “Santyago Bernabeu” stadionida Anchelotti “Real” boshqaruvidagi so‘nggi o‘yinni o‘tkazadi — so‘nggi turda “Real Sosedad”ga qarshi. Keyinchalik u Braziliya terma jamoasini boshqaradi.

“Karlo Anchelotti “Real”ning buyuk oilasining abadiy a’zosi. Bizga shuncha muvaffaqiyatlarga erishishimizga yordam bergan va klubimiz qadriyatlarini namunali tarzda namoyish eta olgan murabbiyimiz borligidan faxrlanamiz”, — dedi madridliklar prezidenti Florentin Peres.

Eslatib o‘tamiz, O‘zbekistonning Jahon chempionati saralash o‘yini oldidan firibgarlar soxta chiptalar sotishni boshlagandi. Muxlislar hushyorlikka chaqirilgan.