Krishtianu Ronaldu “Al-Nasr”ni tark etishni rejalashtirmayapti
Portugaliyalik hujumchi kelajagida hech narsa o‘zgarmasligini aytdi.
Krishtianu Ronaldu Saudiya Arabistonining “Al-Nasr” klubini tark etishni rejalashtirmayapti, deya xabar bermoqda insayder Fabritsio Romano.
Ma’lumotlarga qaraganda, portugaliyalik hujumchi o‘zining ijtimoiy tarmoqdagi sahifasida “Al-Nasr” tarkibida qolishini va uning kelajagida hech narsa o‘zgarmasligini ma’lum qilgan.
Qayd etilishicha, may oyida Krishtianu Ronaldu yozda Saudiya klubini tark etishi mumkinligi haqida ma’lumot paydo bo‘lgan, shundan so‘ng futbolchining o‘zi ham ketishi mumkinligiga ishora qilgan.
“Bu bob tugadi. Tarixmi? Hali ham yozilyapti. Barchadan minnatdorman”, – deb yozdi u Instagramdagi sahifasida.
Avvalroq, Krishtianu Ronaldu yana dunyoning eng ko‘p maosh oluvchi sportchisiga aylangani haqida xabar berilgandi. Lionel Messi esa faqatgina beshinchi pog‘onadan joy olgan.
Izohlar