Ўзбекистонда аҳолиси энг тез ўсаётган ҳудудлар маълум қилинди

Тошкент шаҳри, Сурхондарё, Қашқадарё, Наманган ва Самарқанд вилоятларининг аҳолиси нисбатан тез ўсмоқда. Мамлакат аҳолиси эса бир йилда 2,1 фоизга кўпайган.

Ўзбекистонда аҳоли сони 2023 йилнинг апрель ойига солиштирилганда 2,1 фоизга кўпайган. Бу ҳақда Статистика агентлиги хабар қилди.

Агентлик маълум қилишича, Тошкент шаҳри, Сурхондарё, Қашқадарё, Наманган ва Самарқанд вилоятларида аҳоли сони нисбатан тезроқ ўсган.

Ҳудудлар кесимида доимий аҳоли сонининг ўсиши:

• Тошкент шаҳри — 2,7 фоиз;
• Сурхондарё вилояти — 2,5 фоиз;
• Қашқадарё вилояти — 2,2 фоиз;
• Наманган вилояти — 2,2 фоиз;
• Самарқанд вилояти — 2,2 фоиз;
• Жиззах вилояти — 2,1 фоиз;
• Фарғона вилояти — 2,1 фоиз;
• Андижон вилояти — 2,1 фоиз;
• Сирдарё вилояти — 1,9 фоиз;
• Тошкент вилояти — 1,9 фоиз;
• Хоразм вилояти — 1,9 фоиз;
• Навоий вилояти — 1,8 фоиз;
• Бухоро вилояти — 1,7 фоиз;
• Қорақалпоғистон Республикаси — 1,4 фоиз.

Прогнозлаштириш ва макроиқтисодий тадқиқотлар институтининг маълум қилишича, Ўзбекистонда охирги 5 йилда туғилишнинг кескин ўсиши кузатилган. Прогнозларга кўра, туғилиш суръати 2030 йилгача бир маромда (ўртача 900−950 минг) давом этади ва аҳоли сони 41 милллиондан ошади.

NOVA24 YouTubeʼda. Obuna boʻling
Asosiy yangiliklar va qiziqarli videolar