Ўзбекистонда 27 млн доллардан ортиқ чиройли рақамлар сотилди

2022 йилдаги сотув рўйхатидаги энг қиммат рақам 348 миллион сўмни ташкил қилган.

2022 йилда республика товар-хом ашё биржасининг avtoraqam.uzex.uz электрон савдо тизимида 304,1 миллиард сўмлик 118 мингдан зиёд авторақамлар шаффоф онлайн-аукционлар орқали сотилди.

Қайд этиишича, сотилган авторақамларнинг 91 фоизи жисмоний шахслар, 9 фоизи юридик шахслар томонидан харид қилинган. Ўтган даврда сотилган энг қиммат авторақамнинг қиймати эса 348 млн сўмни ташкил қилди.

Рақобатли савдолар натижасида битимларнинг 5 фоизи — биринчи тоифадаги авторақамлар, 8 фоизи — иккинчи, 8 фоизи — учинчи, 11 фоизи — тўртинчи, 22 фоизи — бешинчи ва 46 фоизи — олтинчи тоифа авторақамларга тўғри келган.

Ҳудудлар кесимида энг кўп авторақамлар Тошкент шаҳри ва Тошкент вилояти (31%) Самарқанд ва Қашқадарё (8% дан), Наманган, Андижон ва Сурхандарё (7% дан), ҳамда Хоразм (6%) вилоятларида харид қилинган.

Эслатиб ўтамиз, авторақамларни онлайн-аукционларда сотилишидан келиб тушган маблағларнинг 80 фоизи буджетга, 20 фоизи Ички ишлар вазирлигининг моддий-техник базасини ривожлантириш, ходимларини моддий рағбатлантириш ва бошқа харажатлар Махсус жамғармасига йўналтирилади.

NOVA24 YouTubeʼda. Obuna boʻling
Asosiy yangiliklar va qiziqarli videolar