Фанлар бўйича жаҳон университетлари рейтинги эълон қилинди

Рейтингнинг юқори поғоналарини, ўтган йилгидек, асосан Америка ва Британия университетлари эгаллади.

Quacquarelli Symonds (QS) агентлиги жаҳон университетларининг фанлар бўйича рейтингини эълон қилди. Рўйхатга жами 1559 та таълим муассасаси киритилган.

Жумладан, санъат ва гуманитар фанлар бўйича Ҳарвард университети (АҚШ), Кембриж университети (Буюк Британия) ва Оксфорд университети (Буюк Британия) энг яхши деб топилди.

Инженерия ва технологиялар бўйича Массачусетс технология институти (АҚШ), Стэнфорд университети (АҚШ) ва Оксфорд университети (Буюк Британия) юқори учталикка кирди.

Ҳаёт ва тиббиёт фанлари бўйича Ҳарвард университети (АҚШ), Оксфорд университети (Буюк Британия) ва Жон Ҳопкинс университети (АҚШ) рейтингнинг юқори поғоналаридан жой олди.

Табиий фанлар бўйича Ҳарвард университети (АҚШ), Массачусетс технология институти (АҚШ) ва Оксфорд университети (Буюк Британия) пешқадам бўлди.

Ижтимоий фанлар ва менежмент бўйича Ҳарвард университети (АҚШ), Оксфорд университети (Буюк Британия) ва Стэнфорд университети (АҚШ) энг яхши деб топилди.

NOVA24 Instagramʼda. Obuna boʻling
Asosiy yangiliklar va qiziqarli videolar