Zomindagi osma dor yo‘li vaqtincha yopildi

Jizzax viloyatida joylashgan “Zomin” turistik-rekreatsion zonasidagi osma dor yo‘li profilaktika ishlari olib borilishi sabab yopildi.

Jizzax viloyatining Zomin tumanida joylashgan “Zomin” turistik-rekreatsion zonasidagi osma dor yo‘li 12 avgustdan 18 avgustgacha ishlamaydi. Bu haqda Turizm qo‘mitasi xabar berdi.

Osma dor yo‘li faoliyati sayyohlarning xavfsizligini ta’minlash maqsadida bir yilda bir marotaba o‘tkaziladigan profilaktika ishlarini olib borish uchun vaqtincha to‘xtatilishini ma’lum qilamiz, deyiladi xabarda.

Osma dor yo‘li 2023 yil avgustida ochilgan. Uning uzunligi 2102 metr bo‘lib, 12 ta minorali 11 ta ustunga ega va soatiga 1200 sayyohga xizmat ko‘rsatadi. 133,3 mlrd so‘mlik loyiha Shveytsariyaning Bartolet kompaniyasi bilan hamkorlikda amalga oshirilgan.

NOVA24 Telegramʼda. Obuna boʻling
Tezkor xabarlar va asosiy voqealar