Зомин тоғ-ўрмон давлат қўриқхонасидан айиқ қочиб кетгани ҳақидаги хабарлар рад этилди

Қўриқхона ходимларининг сўзларига кўра, шу кеча-кундузда ҳудудда айиқнинг қочиб кетгани ҳолати кузатилмаган.

Ижтимоий тармоқларда Зомин тоғ-ўрмон давлат қўриқхонасидан айиқ қочиб кетгани ҳақида хабарлар тарқалди.

Маълум қилинишича, Экология, атроф-муҳитни муҳофаза қилиш ва иқлим ўзгариши вазирлиги тасарруфидаги Зомин давлат қўриқхонасида айиқлар табиий равишда яшайди.

Қўриқхона ходимларининг сўзларига кўра, шу кеча-кундузда ҳудудда айиқнинг қочиб кетгани ҳолати кузатилмаган.

«Шундай экан, ижтимоий тармоқда тарқалган хабар ёлғон эканини маълум қилиб, аҳолидан ортиқча хавотирга тушмасликларини сўраб қоламиз», — дейилади хабарда.

NOVA24 YouTubeʼda. Obuna boʻling
Asosiy yangiliklar va qiziqarli videolar