Zomin aeroporti faoliyati vaqtincha to‘xtatildi

Ta’mirlash va qayta jihozlash ishlari sabab Zomin aeroporti faoliyati vaqtincha to‘xtatildi.

Hozirgi kunda Zomin aeroporti yo‘lovchilarga xizmat ko‘rsatishi to‘xtatilib turibdi, deb xabar bermoqda “O‘zgidromet”.

Ma’lum qilinishicha, mazkur aeroportda katta aviabortlarni qabul qilish bo‘yicha ikkinchi bosqich ta’mirlash va qayta jihozlash ishlari amalga oshirilmoqda. Shu bilan birga, meteorologik qurilmalarni ham modernizatsiya qilish ishlari amalga oshirilmoqda.

“Zomin aeroportida yuqorida ta’kidlab o‘tilgan ishlar yakunlanishi va aeroport yo‘lovchilarni yana qabul qilishni boshlashi haqida xabar beramiz”, deyiladi xabarda.

NOVA24 Instagramʼda. Obuna boʻling
Asosiy yangiliklar va qiziqarli videolar