Жанубий Корея Ўзбекистонга олтита тезюрар поезд етказиб беради
Ҳар бири етти вагонли поезд 389 ўринга эга бўлади ва VIP, бизнес ва эконом классларни, шунингдек, овқатланиш вагонини ўз ичига олади.
Польшанинг Куриер Колежоwй журнали сайтида «Hyundai Rotem компанияси Ўзбекистонга олтита тезюрар поезд етказиб беради» сарлавҳали мақола эълон қилинди.
«Дунё» хабарига кўра, Корея Республикаси президентининг Ўзбекистонга давлат ташрифи чоғида «Ўзбекистон темирйўллари» акциядорлик жамияти ва Жанубий Кореянинг Hyundai Rotem компанияси ўртасида 250 км/соат тезликка мўлжалланган олтита тезюрар поездни етказиб бериш ва техник хизмат кўрсатиш бўйича шартнома имзоланди, деб маълум қилинган материалда.
Таъкидланишича, Ўзбекистон учун мўлжалланган тезюрар поезд KTX-Eum поездининг ўхшаши бўлиб, у ўз навбатида 430 км/соат тезликда ҳаракатланиш учун мўлжалланган HEMU-430X тезюрар поезди негизида яратилган. Ҳар бири етти вагонли поезд 389 ўринга эга бўлади ва VIP, бизнес ва эконом классларни, шунингдек, овқатланиш вагонини ўз ичига олади.
«Ўзбекистонга тақдим этилаётган тезюрар поезд «Жалолиддин Мангуберди» деб номланади. Ушбу тезюрар поезд ишга тушгач, Тошкентдан Хивагача бўлган масофа етти соатда босиб ўтилиши кутилмоқда», — дейилади материалда.
Мавзуга оид хабарлар:
Ўзбекистоннинг Жанубий Кореядаги дипломатик миссиясини 25 йил давомида бошқарган Виталий Фен вафот этди Абдулла Арипов Жанубий Корея компанияси раҳбари билан учрашув ўтказди Қурбон ҳайити муносабати билан қўшимча поезд қатновлари йўлга қўйилади Жанубий Корея президентининг Ўзбекистонга ташрифи тўрт асосий йўналишни қамраб олади 1 июлдан айрим поездлар чипталари нархи 25 фоизга ошади