Ўзбекистоннинг Жанубий Кореядаги дипломатик миссиясини 25 йил давомида бошқарган Виталий Фен вафот этди
Виталий Фен «Фидокорона хизматлари учун» ва «Меҳнат шуҳрати», шунингдек, Жанубий Кореянинг «Гвангхва» орденлари билан тақдирланган. 2005 йилда у Сеулнинг фахрий фуқароси унвони билан тақдирланган.
Ўзбекистоннинг Сеулдаги дипломатик миссиясини 25 йил давомида бошқарган Виталий Васильевич Фен 76 ёшида вафот этди. Бу ҳақда Ўзбекистон Ташқи ишлар вазирлиги хабар берди.
«Виталий Фен бутун умрини ватанимизга хизмат қилишга бағишлаган атоқли давлат арбоби, спорт устаси ва профессионал дипломат эди», — дейилади хабарда.
ТИВ дипломатнинг Ўзбекистон ва Корея Республикаси ўртасидаги ҳамкорликни ривожлантиришга қўшган улкан ҳиссасини қайд этди: «Унинг кўп йиллик фаолияти Ўзбекистон-Жанубий Корея алоқаларини мустаҳкамлашда ўчмас из қолдирди».
Виталий Фен «Фидокорона хизматлари учун» ва «Меҳнат шуҳрати», шунингдек, Жанубий Кореянинг «Гвангхва» орденлари билан тақдирланган. 2005 йилда у Сеулнинг фахрий фуқароси унвони билан тақдирланган.
Яқинда Жанубий Корея президенти Юн Сок Ёль давлат ташрифи билан Ўзбекистонда бўлди. Виталий Фен ташрифга тайёргарликда фаол иштирок этди ва ташриф давомида Ўзбекистонда бўлганди.
Мавзуга оид хабарлар:
Жанубий Корея Ўзбекистонга олтита тезюрар поезд етказиб беради Абдулла Арипов Жанубий Корея компанияси раҳбари билан учрашув ўтказди Жанубий Корея президентининг Ўзбекистонга ташрифи тўрт асосий йўналишни қамраб олади