Ўзбекистонда рус тили мактаб дарслигида онлайн казино рекламаси чиқди

Дарсликдаги машқларни бажариш учун QR код орқали кирилганда онлайн казино ҳаволаси пайдо бўлган.

Ижтимоий тармоқларда Ўзбекистонда рус тили мактаб дарслигида казино рекламаси чиққани ҳақида хабарлар тарқалди. Мактабгача ва мактаб таълими вазирлиги матбуот хизмати раҳбари Дилфуза Собирова бунга муносабат билдирди.

Унда айтилишича, 2022 йилда чоп этилган 10-синф рус тили дарслигидаги QR код ҳаволаси шу пайтга қадар тўғри бўлган ва дарс топшириқларига йўналтирган. Бугунги кунда QR кодга боғланган сайт бузиб кирилгани мутахассислар томонидан тасдиқланди.

Вазирлик томонидан 10-синф рус тили дарслигидаги машқларни бажариш учун QR код орқали кирилганда пайдо бўлаётган онлайн казино ҳаволасига кириш имкониятини чеклаш бўйича тегишли соҳа ташкилотларига мурожаат қилинди.

NOVA24 TikTokʼda. Obuna boʻling
Asosiy yangiliklar va qiziqarli videolar