Давлат кадастрлар палатаси Олмалиқ шаҳар филиали бош муҳандиси ушланди
15:43 · 29.11.202314:49 · 20.11.2023 Ўзбекистон
Ўзбекистон ва Мўғулистон тўғридан тўғри авиақатновларни йўлга қўймоқчи
Томонлар, шунингдек, автомобилларда юк ташиш ҳажмини оширишга келишиб олди.
Ўзбекистон ва Мўғулистон ҳаво қатнови тўғрисидаги ҳукуматлараро келишувни янгилаш ниятида, деб хабар бермоқда Montsame Agency.
17 ноябр куни Ўзбекистоннинг Хитойдаги ва ўриндошлик асосида Мўғулистондаги элчиси Фарҳод Орзиев Мўғулистон Транспорт вазирлиги раҳбари Сандангийн Бямбацогт билан мамлакатлар ўртасида ҳаво қатновлари сонини кўпайтириш имконини берадиган ҳаво қатнови бўйича шартнома тузиш масаласини муҳокама қилди. У транзит рейслари ва ўзбек мева-сабзавотларини ташиш ҳажмини оширишни ҳам назарда тутади.
Мўғулистон расмийсининг айтишича, томонлар тез орада автомобил транспортида ташувлар бўйича келишув тузади. Келишув туфайли Европадан товарлар Ўзбекистон ва Мўғулистон орқали Хитойга, Мўғулистон ва Хитойдан эса Ўзбекистон орқали Европа, Эрон, Покистон ва Ҳинд океани портларига етказиб берилади.
Бундан ташқари, Ўзбекистон элчиси икки давлат Мўғулистондан мева-сабзавот, шунингдек, гўшт, жун ва кашемир маҳсулотларини етказиб бериш орқали ўзаро савдо ҳажмини ошириши мумкинлигини таъкидлади.
