24 Fevral 2024, 08:17 Ўзбекистон

Ўзбекистон ва Испания мис саноатини ривожлантиришда ҳамкорлик қилишни бошлайди

Мадрид шаҳрида тоғ-кон ва мис саноатини ривожлантириш бўйича музокаралар ўтказилди.

Ўзбекистон ва Испания мис саноатини ривожлантиришда ҳамкорлик қилишни бошлайди

Ўзбекистон элчиси Фаррух Турсунов Мадрид шаҳрида халқаро консультант Франсиско Игуалада билан учрашув ўтказди.

«Дунё» хабарига кўра, учрашув давомида Франсиско Игуалада Ўзбекистон мис саноати катта салоҳиятга эга эканлиги, шунингдек, ураннинг катта захиралари туфайли мамлакат хорижий инвесторларда катта қизиқиш уйғотаётгани ҳақида ўз фикрлари билан ўртоқлашди.

Суҳбат якунида Ўзбекистонда тоғ-кон ва мис саноатини ривожлантириш ҳамда икки мамлакат ўртасидаги амалий ҳамкорликни чуқурлаштириш бўйича келишувга эришилди.

Машҳур янгиликлар