Ўзбекистон ва Хитой ўртасида янги йўналишда авиақатнов очилди
Сиан–Самарқанд–Сиан йўналишида янги авиақатнов очилиб, Ўзбекистон ва Хитой ўртасидаги парвозлар сони ҳафтасига 20 тага етказилди.
![Ўзбекистон ва Хитой ўртасида янги йўналишда авиақатнов очилди](https://nova24.uz/uz/wp-content/uploads/2024/06/OQpG4UQIdkc8dPZ7Cy81oUYHpWXBe4Ib.jpg)
Шэнси провинциясининг Сиан шаҳрида Zhejiang Loong Airlines авиакомпаниясининг Сиан–Самарқанд–Сиан йўналиши бўйича биринчи парвозига старт бериш маросими бўлиб ўтди, деб хабар бермоқда Дунё.
Маросимда Хитойнинг 20 га яқин сайёҳлик компаниялари, 30 га яқин маданият ва туризм соҳаси ҳамда 10 дан зиёд оммавий ахборот воситалари вакиллари, шунингдек, Сиандаги хорижий дипломатия ваколатхоналари ходимлари иштирок этди.
Ўзаро келишувлар ижроси доирасида олиб борилган саъй-ҳаракатлар натижасида айни вақтга келиб, икки мамлакат ўртасидаги парвозлар сони ҳафтасига 20 тага етказилди.
Ушбу парвозлар Uzbekistan Airways, Zhejiang Loong Airlines, China Southern Airlines авиакомпаниялари томонидан йўлга қўйилган бўлиб, амалга оширилаётган рейслар Пекин-Тошкент ўртасида 7 та, Урумчи–Тошкент ўртасида 5 та, Сиан–Тошкент ўртасида 3 та, Чэнду–Тошкент ўртасида 3 та ва Сиан–Самарқанд ўртасида 2 та эканлиги маълум қилинди.
Тадбир сўнггида Хитой томони билан мазкур йўналишдаги тизимли ишларни изчил давом эттиришга хусусан, соҳага оид шартномавий-ҳуқуқий базани янада такомиллаштирган ҳолда яқин келажакда икки мамлакат ўртасидаги парвозлар сонини ҳафтасига 100 тага етказишга келишиб олинди.
Мавзуга оид хабарлар:
Тошкент ва Масқат ўртасида тўғридан тўғри авиақатновлар йўлга қўйилиши мумкин Ўзбекистон ҳудудлари ва Бирмингем ўртасида авиақатновлар йўлга қўйилиши мумкин Ўзбекистон ва Хитой ўртасидаги авиақатновлар ҳафтасига 100 тага етказилиши мумкин Ўзбекистон ва Хитой ёшлари ўртасида сайёҳлик алмашинуви йўлга қўйилади Нукусдан Олмаотага авиақатновлар йўлга қўйилади
Soʻnggi yangiliklar
![Fargʻonada fuqaro IIB xonasida hushini yoʻqotib, reanimatsiyaga yotqizildi](https://nova24.uz/uz/wp-content/uploads/2024/07/2024-07-05-17.29.57-300x200.jpg)
![Talablarni toʻliq bajarmagani uchun 90 ming abituriyent arizasi rad etildi](https://nova24.uz/uz/wp-content/uploads/2024/07/2024-07-05-16.32.24-300x200.jpg)
![Oʻzbekistonda xorijiy siyosiy partiyalar faoliyati taqiqlandi](https://nova24.uz/uz/wp-content/uploads/2024/07/2024-07-05-15.14.09-300x200.jpg)
![4 ta tuman soliq inspeksiyasi boshligʻi lavozimidan ozod etildi](https://nova24.uz/uz/wp-content/uploads/2024/07/n0wSbiRazHnFRdTU6cI_uZJ0wefF3zaj-300x200.jpg)
![“Ayritom” chegara bojxona postida qariyb 8 kg giyohvand modda toʻxtatib qolindi](https://nova24.uz/uz/wp-content/uploads/2024/07/UjvatEir9KZFY7OJx0_PEaOjCi1SFmf-300x185.jpg)
![Navoiyda 8 yoshli qiz mashina bosib ketishi oqibatida halok boʻldi](https://nova24.uz/uz/wp-content/uploads/2024/07/J6961K17201589061364_b-300x200.jpg)
![Samarqandda katta pul evaziga ikki kishini AQSHga yubormoqchi boʻlgan shaxs ushlandi](https://nova24.uz/uz/wp-content/uploads/2024/07/pGss4u8U-cKQB67mw8mlz5O3ncLevmrX-300x183.jpg)
![Бахтиёр Иброҳимов Жиззах вилояти прокурори этиб тайинланди](https://nova24.uz/uz/wp-content/uploads/2024/07/YYyXLw17201587124236_b-300x200.jpg)