«Ўзбекистон Қозоғистондан ўзиб кетди» — эксперт маиший зўравонлик бўйича икки давлат қонунчилигидаги фарқлар ҳақида

Қозоғистонлик халқаро эксперт, юрист-социолог Холида Ажигулова мамлакатда хотин-қизларга нисбатан зўравонлик ҳолатлари ҳақида сўз юритиб, Ўзбекистонда бу масалада анча илдамлашган тизим яратилаётганини таъкидлади.

Қозоғистонлик халқаро эксперт, юрист-социолог Холида Ажигулова мамлакатда хотин-қизларга нисбатан зўравонлик ҳолатлари ҳақида сўз юритиб, Ўзбекистонда бу масалада анча илдамлашган тизим яратилаётгани, бунда президентнинг ёрдамчиси Саида Мирзиёеванинг роли муҳим аҳамиятга эга бўлаётганини таъкидлади.

«Ўзбекистонда маиший зўравонлик учун маъмурий ва жиноий жавобгарлик жорий этилди. Ўзбекистон Қозоғистондан ўзиб кетди, сабаби у ерда маиший зўравонлик учун ҳам, болаларга нисбатан ҳар қандай зўравонлик учун ҳам жавобгарлик бор, кўпхотинлик, кўпхотинликни тарғиб этиш тақиқланди.

Қизиғи шундаки, у ерда мамлакат етакчисининг қизи аксарият ташаббуслар билан чиқяпти. Уни ушбу муаммолар ташвишга соляпти, шунинг учун у бу масалани кўтарди. Ҳамма қўллаб-қувватлади.

Қозоғистонда ҳам биринчи президентнинг уч қизи бўлган. Лекин улардан бирортаси маиший зўравонлик масаласини кўтармаган, бири доимо қўшиқ айтиш билан овора бўлган, бошқаси бриллиантларни реклама қилган. Оддий халқ қандай яшаётгани эса уларни ҳеч қачон қизиқтирмаган», – деди Ажигулова Қозоғистоннинг ULYS MEDIA нашрига берган интервюсида.

NOVA24 Instagramʼda. Obuna boʻling
Asosiy yangiliklar va qiziqarli videolar