Давлат кадастрлар палатаси Олмалиқ шаҳар филиали бош муҳандиси ушланди
15:43 · 29.11.202317:14 · 18.11.2023 Ўзбекистон
Ўзбекистон элчиси Буюк Британиядаги миссиясини бажаришга киришди
Ўзбекистоннинг янги тайинланган элчиси Равшан Усмонов Буюк Британия Ташқи ишлар вазирлиги Протокол департаменти директори Виктория Басбига ишонч ёрлиқлари нусхаларини топширди.
«Дунё» хабарига кўра, учрашувда Ўзбекистоннинг замонавий тараққиёти, халқнинг бой тарихий-маданий мероси, шунингдек, Ўзбекистон – Буюк Британия кўп қиррали ҳамкорлигини янада ривожлантириш масалалари муҳокама қилинди.
Виктория Басби Британия томонининг Ўзбекистон билан ўзаро манфаатли ҳамкорликни янада кенгайтириш ва мустаҳкамлашга тайёрлигини таъкидлади.
Ўзбекистоннинг янги тайинланган элчиси 14 ноябр куни Буюк Британия пойтахтига етиб борди. У 2018 йилдан буён мамлакатнинг Малайзиядаги элчиси сифатида ишлаб келаётган эди. Бирмингем университети (Буюк Британия), Ўзбекистон ТИВнинг Жаҳон иқтисодиёти ва дипломатия университети ҳамда Тошкент давлат юридик институтини (ҳозирги университет) тамомлаган.
Ташқи сиёсат идорасидаги фаолиятини 2000 йилда бошлаган. Ўтган йиллар давомида марказий аппаратда ва Ўзбекистоннинг Испаниядаги элчихонасида турли лавозимларда ишлаган. Шундан кейин ТИВнинг Европа мамлакатлари ва НАТО билан ҳамкорлик бошқармасини бошқарган. Франциядаги элчи, шунингдек, Италия ва Португалиядаги ўриндошлик асосидаги элчи лавозимида фаолият кўрсатган. Равшан Усманов 2019 йилдан буён Лондондаги элчи лавозимида ишлаб келган Саид Рустамов ўрнига тайинланди.
