Xorazm viloyatida chiqindi tashish tariflari oshdi
Xalq deputatlari viloyat kengashi tegishli qaror qabul qildi.
7-noyabrdan Xorazm viloyatida maishiy chiqindilarni olib chiqib ketish narxi oshadi, deyiladi xalq deputatlari viloyat kengashi qarorida.
Hujjatga ko‘ra, bir kishi uchun tarif 6 700 so‘m etib belgilangan. Yuridik shaxslar uchun qiymati 74 060 so‘mni tashkil etadi, qattiq maishiy chiqindilarni poligonga mustaqil ravishda olib kelishda esa bir kubometri 21 600 so‘mni tashkil etadi.
Barcha summalar QQS bilan ko‘rsatilgan. Qaror e’lon qilingan kundan boshlab kuchga kiradi.
Eslatib o‘tamiz, O‘zbekistonda mingdan ortiq fuqaro chiqindi tashish yomonligidan shikoyat qilgan. Mas’ul tashkilotlar chiqindilarni yig‘ishtirish jadvalini buzib, fuqarolardan to‘lov talab qilgan.
Misol uchun, Sirdaryo viloyatida tashkilot chiqindilarni olib chiqib ketish jadvaliga rioya qilmaganligi sababli ko‘p miqdorda chiqindi to‘plagan. Biroq fuqarolar uni olib chiqish xizmatlari uchun pul to‘lagan.
Izohlar