Uzbekistan Airways Yangi yil arafasida talabalar uchun chegirma e’lon qildi

Uzbekistan Airways tomonidan Yangi yil arafasida talabalar uchun 50 foizgacha bo‘lgan chegirma e’lon qilindi.

Uzbekistan Airways talabalar uchun barcha mahalliy aviaqatnovlar ekonom-klass aviachiptalari tariflariga 50 foizgacha chegirma e’lon qildi.

Kompaniya axborot xizmati xabariga ko‘ra, ushbu chegirma davlat muassasasida o‘qishni tasdiqlovchi hujjat asosida talabalarga taqdim etiladi.

Chegirma 2024-yil 23-dekabrdan boshlab 2025-yil 7-yanvariga qadar amalga oshiriladigan aviaqatnovlar uchun amal qiladi, deyiladi xabarda.

50 foizgacha bo‘lgan chegirmali aviachiptalarni Toshkentdagi Uzbekistan Airways Sales filialida, uning agentlaridan va booking.uzairways.com saytida xarid qilish mumkin.

Kompaniyaga ko‘ra, yo‘lovchi tashish tariflariga qo‘shimcha ravishda turli soliqlar, yig‘imlar va to‘lovlar ham o‘rnatiladi. Ularga 50 foizgacha taqdim etiladigan chegirma amal qilmaydi.

NOVA24 YouTubeʼda. Obuna boʻling
Asosiy yangiliklar va qiziqarli videolar