Uyg‘un G‘afurov Toshkent islom institutiga rektor bo‘ldi

Uyg‘un G‘afurov Imom Buxoriy nomidagi Toshkent islom instituti rektori lavozimiga tayinlandi.

Tarix fanlari bo‘yicha falsafa doktori (PhD) Uyg‘un To‘lqinovich G‘afurov Imom Buxoriy nomidagi Toshkent islom instituti rektori lavozimiga tayinlandi. Bu haqda Musulmonlar idorasi xabar qildi.

Uyg‘un G‘afurov ushbu lavozimga tayinlangunga qadar O‘zbekiston xalqaro islom akademiyasi rektori lavozimida ishlab kelayotgandi. Avvalroq, akademiyaga prezidentning sobiq maslahatchisi Muzaffar Komilov rektor etib tayinlangandi.

Toshkent islom instituti rektori vazifasida ishlagan professor Muhammadsiddiqov Muhammadolim Muhammadroziq o‘g‘li O‘zbekiston musulmonlari idorasi raisining Yoshlar ishlari bo‘yicha o‘rinbosari lavozimidagi faoliyatini davom ettiradi.

NOVA24 Telegramʼda. Obuna boʻling
Tezkor xabarlar va asosiy voqealar