Умра зиёратига бориб келиш тартиби такомиллаштирилади
Шунингдек, эндиликда Умра тадбирларини лицензиясиз амалга ошириш ёки лицензияларни қалбаки ҳужжатлардан фойдаланган ҳолда олиш базавий ҳисоблаш миқдорининг 200 бараварида жаримага сабаб бўлади.
![Умра зиёратига бориб келиш тартиби такомиллаштирилади](https://nova24.uz/uz/wp-content/uploads/2024/05/YSwcU9yGeIAvfF_jHu6ZavqxdYKc7SPA.jpg)
Сенаторлар томонидан «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонун муҳокама қилинди.
Қайд этилишича, кейинги йилларда фуқароларнинг Умра зиёратига бориб келишида турли муаммоларга дуч келиш ҳолатлари аниқланмоқда. Хусусан, туризм фаолияти билан шуғулланаётган айрим тадбиркорлар Умра сафарига кетиш ҳақидаги рекламаларда берилаётган ваъдаларини бажармаётгани, манзилга етиб борганда меҳмонхоналар билан боғлиқ муаммолар мавжудлиги, кўп ҳолларда эса зиёратчилар бориш-келишда самолёт рейсларининг белгиланган санадан кечикиши каби ҳолатлар учраяпти.
Сенаторлар муҳокама қилган қонун шу каби муаммоларни бартараф этишга қаратилган. У зиёратчилар Умра амалларини муносиб ва хавфсиз бажаришлари учун муносиб шарт-шароитлар яратиш, хорижда уларнинг ҳуқуқлари ва қонуний манфаатларини ҳимоя қилиш ва кафолатланган хизматлардан фойдаланишини таъминлаш мақсадида ишлаб чиқилган. Қонун билан «Лицензиялаш, рухсат бериш ва хабардор қилиш тартиб-таомиллари тўғрисида»ги ва «Давлат божи тўғрисида»ги қонунларга бир қатор ўзгартириш ва қўшимчалар киритилмоқда.
Жумладан, Умра тадбирларини ташкил этиш ва ўтказиш бўйича янги лицензияланадиган фаолият тури жорий этилмоқда. Ушбу лицензия Дин ишлари бўйича қўмита томонидан берилади ҳамда уни олиш учун базавий ҳисоблаш миқдорининг 10 баравари миқдорида давлат божи ундирилади.
Мазкур қонун билан амалга оширилиши учун рухсат ва тегишли ҳужжатларни талаб этадиган фаолият турлари қаторига Давлат харидлари электрон тизими оператори фаолиятини амалга оширганлик учун ҳам рухсатнома олиш қўшимча сифатида киритилмоқда.
Бундан ташқари, лицензиялаш, рухсат бериш ва хабардор қилиш тартиб-таомиллари соҳасидаги ҳуқуқбузарликлар учун юридик шахсларга солинадиган жарималар ўзгаради. Эндиликда Умра тадбирларини лицензиясиз амалга ошириш ёки лицензияларни қалбаки ҳужжатлардан фойдаланган ҳолда олиш базавий ҳисоблаш миқдорининг 200 бараварида жаримага сабаб бўлади.
Мавзуга оид хабарлар:
Ijtimoiy himoya milliy agentligining vakolatlari kengaytiriladi Ish qidirayotgan shaxslarni roʻyxatga olish tartibi soddalashtiriladi Senat yangi tahrirdagi “Elektr energetikasi to‘g‘risida”gi qonunni maʼqulladi Umra tadbirlarini tashkil etish va oʻtkazish uchun tegishli litsenziyaga ega boʻlish kerakligi belgilandi Сенатнинг аралашувидан сўнг Ўзбекистонга лифтларни олиб кириш муаммоси ҳал бўла бошлади
Soʻnggi yangiliklar
![O‘zbekistonda dam olish kunlari ham jazirama harorat saqlanib qoladi](https://nova24.uz/uz/wp-content/uploads/2024/07/photo_2024-07-26_17-31-05-300x200.jpg)
![Toshkentda yana quvur yorilib, ko‘chalarni suv bosdi](https://nova24.uz/uz/wp-content/uploads/2024/07/4BePN8LQOdsc6S1eFWskzxGd4jNuHaco-300x200.jpg)
![Toshkentda qo‘pol ravishda qoida buzgan avtobus haydovchisi ishdan olindi](https://nova24.uz/uz/wp-content/uploads/2024/07/BFmY55DY73MW1o1Pm5XhWQjB7-moASuh-300x218.jpg)
![O‘zbekistonda elektromobillar importi uchun bojlarni qayta tiklash taklif qilindi](https://nova24.uz/uz/wp-content/uploads/2024/07/image_2024-07-26_16-22-29-300x188.png)
![Anhor bog‘ida rejalashtirilgan “lenta-shou” bekor qilindi](https://nova24.uz/uz/wp-content/uploads/2024/07/image_2024-07-26_15-21-56-300x167.png)
![Toshkent viloyatida keskin manyovr qilgan BMW Tracker’ga borib urildi](https://nova24.uz/uz/wp-content/uploads/2024/07/OAsB4x2_23bYac4A8mkLtdJScQtXn_vI-300x200.jpg)
![Respublika YHXBB tomonidan o‘tkazilgan tenderda qonunbuzilish holati aniqlandi](https://nova24.uz/uz/wp-content/uploads/2024/07/image_2024-07-26_14-28-59-300x169.png)
![Adolatsiz qaror chiqargan sudyaga sud hukmi o‘qildi](https://nova24.uz/uz/wp-content/uploads/2024/07/photo_2024-07-26_13-41-45-300x172.jpg)