Uch hududda energiya resurslaridan noqonuniy foydalanish holatlari fosh etildi
Hozirgi kunda mazkur holatlar yuzasidan jinoyat ishlari qoʻzgʻatilib, tergov harakatlari oʻtkazilmoqda.
Energiya resurslaridan noqonuniy foydalanish holatlari fosh etilmoqda, deb xabar berdi Bosh prokuratura huzuridagi Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi Departamentning Koson tumani boʻlimi tomonidan oʻtkazilgan tergovga qadar tekshiruv oʻtkazilgan.
Tekshiruvda “Chorbogʻ” MFY hududida faoliyat yurituvchi “T.B.” fermer xoʻjaligi rahbari J.T. elektr suv nasoslarini tijorat maqsadida umumiy foydalanishdagi tarmoqqa toʻgʻridan-toʻgʻri ulab, jami 106,9 mln soʻmlik elektr energiyasidan noqonuniy foydalanganligi aniqlangan.
Departamentning Samarqand tumani boʻlimi tomonidan oʻtkazilgan tergovga qadar tekshiruvda YATT F.A.ga tegishli boʻlgan ishlab chiqarish sexida jami 123,1 mln soʻmlik elektr energiyasidan yashirin ravishda foydalanib kelinganligi aniqlangan.
Shu kabi, Departamentning Boyovut tumani boʻlimi tomonidan oʻtkazilgan tergovga qadar tekshiruvda YATT E.H.ga tegishli binoda 108,5 mln soʻmlik elektr energiyasidan yashirin ravishda foydalanib kelinganligi aniqlangan.
Mazkur holatlar yuzasidan Jinoyat kodeksining 169-moddasi (oʻgʻrilik) bilan jinoyat ishlari qoʻzgʻatilib, tergov harakatlari oʻtkazilmoqda.
Мавзуга оид хабарлар:
Samarqandda metan “zapravka” 6,6 mlrd so‘mlik gazdan noqonuniy foydalangani aniqlandi Jizzaxda 1,4 mlrd so‘mlik “svet”dan noqonuniy foydalanish holati fosh etildi Ikki viloyatda 4,8 mlrd so‘mlik energiya resurslarini o‘g‘irlagan “zapravka”lar aniqlandi Samarqandda Damas beton to‘siqqa urilib ag‘darilib ketdi Andijondagi sport klubi 226,3 mln soʻmlik elektrdan noqonuniy foydalangani aniqlandi