Toshkentning to‘rtta tumani qisman gazsiz qoldi — lokatsiyalar

19-sentyabr kuni Toshkentning to‘rtta tumanida gaz qisman o‘chiriladi, deya xabar bermoqda Hududgaz Poytaxt matbuot xizmati.

Maʼlumotlarga koʻra, rejalashtirilgan taʼmirlash ishlarini mutaxassislar amalga oshiradi.

Shu munosabat bilan quyidagilar gazsiz qoldiriladi:

• Yakkasaroy tumani (soat 10:00 dan 20:00 gacha) — “Shohjahon”, “Rakat”, “Konstitutsiya”, “Rakatboshi”, “Tepa”, “Belarik”, “Muhandislar”, “Bobur”, “A.Qahhor”, “Armug‘on” va “Boshliq” mahallalari;
• Mirobod tumani (soat 10:00 dan 15:00 gacha) — “Baynalmilal”, “Yangi Mirobod”, “Mirobod” va “Avloniy” mahallalari;
• Chilonzor tumani (soat 10:00 dan 20:00 gacha) — Bobur ko‘chasi;
• Yangihayot tumani (soat 10:00 dan 17:00 gacha) — “Yorqin hayot”, “Xushnud”, “Zarbdor” va “Olchazor” mahallalari.

Keltirilgan noqulayliklar uchun iste’molchilardan uzr so‘raldi.

Avvalroq Toshkentda “aqlli” suv hisoblagichlari o‘rnatilishi boshlangani haqida xabar berilgandi. Yangi hisoblagichlar aniqroq va tezkorroq bo‘ladi.