Toshkentning ikki tumanidagi yoʻllarni taʼmirlash uchun 8 mlrd soʻm ajratildi

Qarorni poytaxt hokimi Shavkat Umurzoqov imzoladi.

Shavkat Umurzoqov Toshkentning ikki tumanidagi yoʻllarni taʼmirlash uchun 8 mlrd soʻm ajratdi, deyiladi hokim qarorida.

Hokim qarori bilan Mirzo Ulugʻbek tumani obodonlashtirish bosh boshqarmasiga 4 mlrd 233,7 mln soʻm, Bektemir tumani obodonlashtirish bosh boshqarmasiga 3 mlrd 800 mln soʻm mablagʻ ajratiladi. Mablagʻlar poytaxt hokimligi huzuridagi Toshkent shahrini rivojlantirish jamgʻarmasidan ajratiladi.

Avvalroq Toshkentda yoʻllarni taʼmirlash boʻyicha yangi mavsum boshlangani haqida xabar berilgandi. Tirbandliklarning oldini olish uchun yoʻl ishlari tigʻiz soatlardan tashqarida amalga oshiriladi.

NOVA24 Instagramʼda. Obuna boʻling
Asosiy yangiliklar va qiziqarli videolar