Toshkentning ikki tumanida “svet” vaqtincha o‘chiriladi

Toshkent shahrining Bektemir va Uchtepa tumanlarida “svet” vaqtincha o‘chiriladi.

“Toshkent shahar elektr tarmoqlari” MChJ axborot xizmatining maʼlum qilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida taʼmirlash ishlari olib borilishi rejalashtirilgan.

Shu maqsadda ertaga, 7-avgust kuni quyidagi manzillarda elektr taʼminoti vaqtincha o‘chirildi:

• Bektemir tumani: “Sohil”, “Musaffo” hamda “Nurli yo‘l” MFYning ayrim hududlarida soat 08:00 dan 17:00 gacha;
• Uchtepa tumani: “Zarafshon” MFYning ayrim hududlarida soat 09:00 dan 17:00 gacha.

O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligini bildirib o‘tamiz, deyiladi xabarda.

NOVA24 Instagramʼda. Obuna boʻling
Asosiy yangiliklar va qiziqarli videolar