Toshkentning ikki tumanida ichimlik suvi vaqtincha to‘xtatiladi

Rejali profilaktika-taʼmirlash ishlari sabab poytaxtning ikki tumanida ichimlik suvi vaqtincha to‘xtatiladi.

Toshkent shahrining ikki tumani Bektemir va Yunusobodda bir kun davomida ichimlik suvi vaqtincha to‘xtatiladi. Bu haqda “Toshkent shahar suv taʼminoti” xabar berdi.

Unga ko‘ra, 2024-yil kuz-qish mavsumiga tayyorgarlik bo‘yicha katta hajmli suvo‘tkazgich tarmoqlarida rejali profilaktika-taʼmirlash ishlari olib borilishi munosabati bilan 5-sentyabr soat 09:00 dan 6-sentyabr 21:00 ga qadar ichimlik suv bosimi pasayishi kuzatiladi hamda quyidagi hududlarda vaqtincha bo‘lmaydi.

• Bektemir tumani bo‘yicha: “Mirishkor”, “Rohat”, “Majnuntol”, “Zilola”, “Iqbol”, “Chashma”, “Iyk ota”, “Abay”, “Gulbog‘”, “Husayn Boyqaro”, “Bektemir”, “Oltintopgan”, “Sohil”, “Musaffo” mahallalari hamda “Vodnik” issiqlik markazida;
• Yunusobod tumani bo‘yicha: “Islomobod”, “Hasanboy”, “Sharq haqiqati” mahallalarida.

NOVA24 YouTubeʼda. Obuna boʻling
Asosiy yangiliklar va qiziqarli videolar