Toshkentning ikki tumanida aholi avariya tufayli issiq suvsiz qoldi

Isteʼmolchilarga taʼmirlash ishlarini qisqa muddatda tugatishga vaʼda berildi.

15-aprel kuni Uchtepa va Chilonzor tumanlarining ayrim joylarida aholi issiq suvsiz qoldi, deya xabar bermoqda Veolia Energy.

Maʼlumotlarga koʻra, Lutfiy koʻchasida diametri magistral tarmoqda avariya sodir boʻlgan. Tiklash ishlari olib borilishi munosabati bilan quyidagi joylarda issiq suv taʼminoti soat 19:00 ga qadar vaqtincha toʻxtatiladi:

• Uchtepa tumani boʻyicha: 13, 14 va 15-mavzelar hamda alohida ijtimoiy infratuzilma obyektlari;
• Chilonzor tumani: Lutfiy koʻchasidagi 93, 94-sonli turar joylar hamda ijtimoiy sohaga tegishli muassasalar.

Favqulodda vaziyatlar xizmati mutaxassislari allaqachon ishga kirishgan. Isteʼmolchilarga barcha zarur chora-tadbirlar qisqa muddatda yakunlanishiga vaʼda berildi.

NOVA24 Instagramʼda. Obuna boʻling
Asosiy yangiliklar va qiziqarli videolar