Toshkentning ikki tumani vaqtincha issiq suvsiz qoladi

Ta’mirlash ishlari sabab poytaxtning ikki tumanida issiq suv vaqtincha o‘chiriladi.

Toshkent shahar Shayxontohur va Olmazor tumanlarining ayrim hududlarida issiq suv ta’minoti vaqtincha to‘xtatiladi. Bu haqda “Veolia Energy Tashkent” xabar berdi.

Ma’lum qilinishicha, issiqlik tarmoqlarida avariyaviy ta’mirlash ishlari olib borilishi va tegishli jihozlarni almashtirish zarurati tufayli bugun, 11-sentyabr kuni quyidagi manzillarda issiq suv ta’minoti vaqtincha to‘xtatiladi:

• Shayxontohur tumani: S-26, S-27, S-28, Huvaydo dahalari.
• Olmazor tumani: Qoraqamish 2/1, talabalar shaharchasi, B-1, B-2 dahalari, Niyozova ko‘chasi.

Issiq suv ta’minoti ta’mirlash ishlari tugallanishi bilan tiklanadi (taxminan bugun 23:00 gacha).Yuzaga kelgan noqulayliklar uchun uzr so‘raldi va ishlarni belgilangan muddatlarda yakunlash bo‘yicha zarur choralar ko‘rilishi aytildi.

NOVA24 Telegramʼda. Obuna boʻling
Tezkor xabarlar va asosiy voqealar