Toshkentning ikki tumani qisman gazsiz qoladi — manzillar

11-avgust kuni Toshkentning Yakkasaroy va Sergeli tumanlarining ayrim joylarida gaz o‘chiriladi, deb xabar bermoqda “Hududgazta’minot” axborot xizmati.

Gaz ta’minotining uzilishi rejali ta’mirlash ishlari bilan bog‘liq. Quyidagi mahallalarda soat 10:00 dan 18:00 gacha gaz ta’minoti to‘xtatiladi:

• Sergeli tumani (soat 10:00 dan 18:00 gacha): “Konstitutsiya” MFY, 8 ta xususiy uy, 4 ta ko‘p qavatli uy, ulgurji iste’molchilar: 6.
• Yakkasaroy tumani (soat 11:00 dan 16:00 gacha): “Sultonobod” MFY, 511 ta xususiy uylar, ulgurji xaridorlar: 5.

Avvalroq O‘zbekistonda gazsiz uylar uchun imtiyozli tarif joriy etilishi haqida xabar berilgandi. Prezident bu chorani joriy etishni buyurgan.

Eslatib o‘tamiz, kam ta’minlangan oilalarga elektr va gaz xarajatlari qoplab beriladi. To‘lovlarni hamma ham ololmaydi.